بنتى عندها سنه

>> Wednesday, June 27, 2007

علاقتى بيها تطورت كنت فى الأول بأفكر كتير أنى الغيها خالص وانى مش لازم اهتم بيها وارعاها حسيت فى أحيان كتير أنها عبء عليا وأنها مالهاش لازمه فى حياتى وانى أعود لطريقتى التقليديه فى التعبير عن أفكارى فى كشكولى الأزرق الغامق..........لكن لا العلاقه بينا أصبحت شيبه بعلاقه الام ببنتها
بينا حب وروح لما اكتب بوست جديد مزاجى بيتحسن كتير مهما كنت متضايقه حتى لو البوست مضمونه بيقولى انى متضايقه ,
دلوقتى بأفكر دايما أكتب ايه جديد فيها ويكون حلو مش أى حاجه والسلام, أصبح هناك اهتمام جديد فى حياتى هو اهتمامى بمدونتى سعيده بالاهتمام ومعدش بيمثل عبء عليا
و الأيام أثبت لى ان كان تقديرى فى محله تماما لما كان أول بوست فى المدونه باسم عالم جديد وفعلا فى العالم ده اتعرفت على مدونات ناس بعيده عنى فى المكان لكن قريبه فى الفكر وعرفت أشخاص رائعين وناس مش ولا بد
شجعت أصحابى على أنه يعملوا بلوجر وكان فى اول الفريق بتاعى لولا انتيمتى و الباقى اهتم وتابع المدونات وان شاء الله وراهم لحد ما يعملوا هما كمان
كان فيه كلام كتير عاوزه اقوله عن عالم التدوين و المدونيين بس الجو حر اوووووووووى و الكمبيوتر ولع هو كمان
فى الاخر كل سنه و انتى طيبه يا بنت

13 comments:

Halawa Wednesday, June 27, 2007 2:48:00 AM  

ربنا يخليهالك وتتربى في عزك وتخاويها
بغاندي وعرابي وكل القتلة دووووووووول
يارب امتحاناتك تكون عدت بخير

عندي شعر سكرانين تعالي شوفيه

تحيااااتي

مـحـمـد مـفـيـد Wednesday, June 27, 2007 10:11:00 AM  

ربنا يبارك لك فيها يارب
ويجعلها من الصالحين
وكل سنه وهي طيبه وبخير وسعاده وطاعه

علاء Thursday, June 28, 2007 12:33:00 PM  

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

Anonymous Thursday, June 28, 2007 11:46:00 PM  
This comment has been removed by a blog administrator.
جميله بو حريد Friday, June 29, 2007 1:41:00 AM  

دكتور حلاوه


الحمدلله الامتحانات كانت جميله جدا ياريتها ما خلصتش

رحت وشفت الشعر وجميل جدا كما تعودت منك

الاستاذ محمد مفيد

ثانكس على كلامك الرقيق اللطيف

لولا Friday, June 29, 2007 2:02:00 AM  

حبيتي بوسي يارب بنتك الصغيرة تتربى في عزك ويبارك لك فيها
وكل سنة وانتي طيبة انتي وبنتك
وبهديلك اغنية دي
كل سنة وانتي طيبة ومني يا بوسي قريبة
والسنة دي معاننا والي جاي وياننا
يا غلى الحبايب يا سكر ودايب
كلك خير وطيبة
صديقتك :لولا

جميله بو حريد Saturday, June 30, 2007 1:46:00 AM  
This comment has been removed by the author.
جميله بو حريد Saturday, June 30, 2007 2:27:00 AM  

لولا

الرومانتيك بتاع الشله النحس ده مش قد الكلام ده كله يا جميل

one true thing Saturday, June 30, 2007 2:09:00 PM  

كل سنه وانتي وهي باحسن حال
وعقبال 100سنه من البوستات الرائعه
حلوه اوي التشبيه المدونه بانها بنتك
ربنا يخليكوا للبعض

إيمــــان ســعد Friday, July 06, 2007 9:57:00 PM  

كل سنة و انتى طيبة يا جميلة

:)

و متسيبيش التدوين ابدا

تحياتي

لولا Saturday, July 07, 2007 4:04:00 AM  

نحس اية يابنتي دا انتي بسمة الشلة عيب عليكي
دا من غيرك اموت يا بسمتي
ربنا يخليكي للشلة كلها
انا كنت سهرانة اقولت اما اعدي عليكي لاقيت مش نزلتي حاجة جديد
يلا شدي حيلك واكتبي حاجة جديدة
دا انا واعوز بالله من كلمة انا اخيرا نزلت بوست جديد هو صحيح انا مش كتباة بس اهي حاجة جديدة
يلا باي
هقوم اصلي ونام

Anonymous Saturday, July 07, 2007 4:17:00 AM  

check ur email?
وتربيها في عزك

sakayar Monday, July 09, 2007 6:59:00 PM  

كل سنة وهيه طيبة ومليانة ابداع
انا رديت ع الكومنت عندي شكرا لمرورك
تحياتنا للكاتبة المبدعة
ومزيد من الابداع عقبال العالمية...بس لما تبقى تيجي المحلية الأول
ههههههه
تحياتي

About This Blog

About This Blog

  © Blogger template Sunset by Ourblogtemplates.com 2008

Back to TOP