القيامه فى غزه

>> Monday, January 21, 2008


غزه فى الاربعه وعشرين الاخيره انتقلت من تحت الحصار الى أول مكان على الارض يشهد يو م القيامه....فهل ما يعيشه أهالى غزه الان -من انقطاع كهرباء ونقص الامدادت الغذائيه وانقطاع صلتهم بالعالم الخارجى بسبب اغلاق المعابر ,وتقريبا توقف المستشفيات عن العمل- الا الحجيم بعينه ؟


لم يقطع أولمرت سبل الحياه عن غزه الا لانه يعلم بان العرب يلعبوا دور الكومبارس الصامت فى هذه المسرحيه ومن ارتقى قليلا الى الكومبارس المتحدث ....فهو لازال كومبارس لا يضيف شيئا الى اللعبه الكبيره التى يتحكم فيها وينتجها أخطبوط الامبرياليه المتمثل فى الولايات المتحده الأمريكيه.

فلم يخيب السفاح بوش التوقعات الخاصه بزيارته المشئومه الى العالم العربى ,ونجد هذه المره أن التوقعات بعدم جدوى الزياره جاءت من جهات رسميه حيث ذكر وزير الخارجيه المصرى أحمد أبو الغيط بأن هذه الزياره ليس لها جدوى حقيقه وانما تدخل فى أطار حمله علاقات عامه يقوم بها بوش لتحسين صورته كداعيه للسلام فى نهايه فترته الرئاسيه.
السؤال الذى يطرح نفسه الى متى سيقف العرب متكوفى الأيدى أمام ما تفعله اسرائيل فى فلسطين ؟!...لماذا اكتفت مصر فقط بالتهديد بفتح معبر رفح ....هل تتنظر مصر حدوث أباده للشعب فى قطاعةغزه لكى تتحرك وتتخذ مواقف جديه تجاه أسرائيل ؟
أليس فى استطاعت مصر أن تستدعى السفير الاسرائيلى وتوجه اليه انذار بالترحيل أذا لم توقف بلاده ما تفعله ؟
أثناء كتابتى لهذا الموضوع على جهاز يشتغل بالكهرباء وبجانبى المدفأه لتخفيف بروده الجو ,أتذكر أهلنا فى فلسطين الان وهما يعيشون على ضوء الشموع فى عالم تدعى فيه شعوب القوى العظمى التحضر و التقدم بينما هى تصمت على أباده الشعب الفلسطينى كما صمتت من قبل عن مذابح كثيره
أخيرا ... لا أملك على فعل شئ تجاه ما يحدث هناك سوى التوجه الى الله للدعاء لهم بالنجاه والوحده معا والدعاء للحكام العرب بالصحوه وعلى الصهاينه و من معهم بالخسف بهم والانتقام منهم
الله معك يا فلسطين

Read more...

من طلب العلا دخل كليتنا

>> Tuesday, January 08, 2008


.... امتحانات .... ضرس العقل ..... نزله برد


هكذا بدأ العام الجديد فى حياه المغفور لها _أبو حريد المناضل _من فوق المكتب وهى تحاول جاهده جهيده متجهده ان تتقبل فكره انها تذاكر ماده لم تشرح اصلا فى الكليه تضاف الى عامين سابقين من المواد عديمه الفائده فى كليه عديمه جزمه قديمه كمان.



طبعا لان ابو حريد المتين لم يخلق اللى يذله لسه, كسرت حالت المرض والقرف بالاستماع لاحتفال اذاعه البرنامج الموسيقى _ الصراحه الناس ظبطونى فى الاغانى الاجنبى و الاس ام اس

حسيت انى مش لوحدى فى تلك الليله الغبراء , طبعا كان معاى على التليفون زملاء الكفاح وهما بيعبروا لى عن مده فرحتهم بالماده ووبالليله العثل ده :(



عدى الامتحان وجه امتحان تانى وفى كل ترم بتنقح عليا كرامتى انى دخلت الكليه ده رغم انى داخلها بالبقشيش بتاع المجموع المجموع نفسه كان جايب سياسه واقتصاد.. عاااااااااااا



من حقى اعيط و واثوت و اشد فى الشعريتين اللى باقين وانا معاى واحد بيدخله ليه ورقه الاجابه فى اللجنه عشان ايه يا جدعان ابوه الموقر موظف فى الكليه :)


قد ايه بلدنا فيها عداله اجتماحيه _ لا مؤاخذه فى العين- وتكاتنفح فى الفرص _ المفروض كانت تكافؤ


احنا ارباب الجامعات المصريه علينا الصبر لانى ادركت ان سياسه واقتصاد ..طب .. هندسه ..كله فى الهوا سوا

دكاتره أباطره ... مناهج متحنطه ... مبانى ومدرجات مخلعه


وأعداد غفيره من الطلبه اللى اتضحك عليهم فى الثانويه العامه واتقالهم ذاكروا عشان تدخلوا كليات القمه


و

و

و

لاقوا نفسهم فى قاااااااااااع المحيط


اتضحك عليكم يا حبايبى


وبمناسبه العام الجديد اهدى الطلبه امثالى والغلابه اللى فى الثانويه العامه ومنهم شوشو اختى


أغنيه الدنيا خربانه:)



ان شاء الله ارجع من الامتحانات كويسه واكتب عن حاجات تعطى امل وحب فى الحياه ..فانا لازلت اكتب واحلم بالحب والحريه

Read more...

لنبدأ عام جديد

>> Wednesday, January 02, 2008


بتلف الدنيا بينا


وساعات بتجرحنا


أيام بتفوت علينا وتاخدنا من روحنا



وساعات بنتالم وساعات بنستلم


لكن الاكيد مع كل جرح لازم بنتعلم


احنا اتخلقنا فى الحياه علشان نعيشها


مهما تكون فينا الجراح لازم نوحشها


الليل ساعات بيكون غميق بس النجوم ماليه الطريق


مش كله سكه هنمشى فيها الشوك هيفرشها


لو حتى كان خوفنا بالليل بيخطفنا


فيه نور جديد جاى من بعيد شايفينه وشايفنا



أغنيه الدنيا بتلف بينا ليارا

Read more...

About This Blog

About This Blog

  © Blogger template Sunset by Ourblogtemplates.com 2008

Back to TOP