>> Sunday, September 02, 2007


مضى شهر أغسطس مصحوب بارتفاع درجه حراره الجو مع حراره الأحداث عالميا ومحليا وشخصيا

وومع هذا لم اكتب سوى بوست واحد وده لاسباب قهريه ان الكمبيوتر هيس منى جامد بالاضافه الى ذهابى للمصيف لكن حصر خير رجعت ونورت النت و الكمبيوتر ربنا شفاه وعفاه

طبعا فى المصيف انقطع اتصالى بالتلفزيون و النت لكن رجعت اقرا جرايد بمواظبه كل يوم و كمان روايه أولاد حارتنا وكتاب عن سيره حياه جيفار

من الحاجات العالميه اللى لفتت انتباهى هو استعداد بريطانيا لذكرى ديانا
بالاضافه اللى فوز عبد الله جول فى انتخابات الرئاسه التركيه

و ا الصراع بين التيار العلمانى و التيار الاسلامى
وتعامل التيار الاسلامى مع اوروبا و الغرب لدرجه انى بافكر ابحث فى التجربه التركيه الاسلاميه بعمق اكتر

طبعا لبنان و اللى كان حاصل فيها من حرب نهر البارد و اللى انتهت النهارده و الحمدلله

أما محليا اعتقد جاء فيلم انتخابات الوطنى اللى بالشوم و السنج فى المقدمه, ومعها اثبت الحزب الوطنى للمره الترليون أنه اوسخ من أنه يحكم عزبه القرود

ومن زوابع واعاصير الحراك الديموقراطى بتاع الحزب الوطنى حمله الافتراس على الاخوان المسلمين ورميهم بالالاف فى المعتقلات
ومن الحاجات اللى لافته نظرى ان هناك تعاون وثيق بين زبانيه الداخليه و مرتزقه جرنال الاهرام واقصد أحمد موسى اللى للاسبوع التالت شغال تحقيقات بيظهر فيها مدى وفائه لوطنه الام الداخليه

هانتقل بقى للأحداث الشخصيه فى الشهر المفترج ده و اللى باعتبرها انها السبب الرئيسى وراء كل ماحدث محليا واقليميا ودوليا كمان

و الحدث هو هو هو
-
-
-
كان عيد ميلادى يوم 22/8/1988
ده انا طلعت قديمه اوووى وكملت 19 سنه ومش عارفه عملت ايه فى 19 سنه دول غير انى مصدر ازعاج للمحيطين بيا وربنا يستر على العالم من شرورى

اليوم ده قضيته انى خرجت فى المصيف مع بنت خالتى واختى ورحنا كافيتيريا وطلبت بيتزا وبعد كده اكلنا ايس كريم وحققوا لى امنيه حياتى وركبنا عجل وطبعا كنا هاندخل فى كذا عربيه وندوس الناس كمان بس ربنا ستر و اليوم انتهى على الساعه خمسه فجرا واحنا بنجرجر بعض عشان ننام

وكمان الشهر انتهى بحاجه جميله اوووى ان روح قلبى مونى صاحبتى اتخطبت وكانت عروسه زى القمر وعقبال كل اللى عاوزين يتجوزوا
على فكره اللى بقى مش عاوزين يتجوزوا عاملين ليهم مدونه جديده اسمها فى ارض النساء

طبها با هنزر ا لمدونه لكل النساء ومش بتدعو لجمعيه سحل الرجل ولا حاجه
وانما تدعو لانصاف كل انسان لديه عقل و بيطالب بحقوقه المشروعه


5 comments:

مـحـمـد مـفـيـد Monday, September 03, 2007 11:40:00 AM  

كل سنه وانتي طيبه
ومصيف سعيد
وبلغك الله رمضان
وعوداً حميدأ للمكان المبدع

جميله بو حريد Tuesday, September 04, 2007 4:18:00 PM  

ميرسى جدا على زيارتك والف حمدلله على السلامه وعمره مقبوله ان شاء الله

Halawa Thursday, September 06, 2007 1:59:00 PM  

عود حميد وبشئ لذيذ وجديد

عجباني أرض النساء

وكنت بحاول أعمل مقارنة بين الوضع السياسي بتاع الستينات ودلوقتي

لو خلصته عايزك تشوفيه

وفي بوست بجهزه اذا كان مسموح المشاركة الرجولية
في أرض النساء

هبعتهولك أو لـهدى

جميله بو حريد Friday, September 07, 2007 6:16:00 PM  

يا هلا يا دوك ومرحبا بيك فى ارض النساء

ايوه كده عاوزين مسانده من الرجال ربنا يسترها معاكم

rego Monday, September 17, 2007 2:44:00 AM  

انتى كنت بتصيفى فين

About This Blog

About This Blog

  © Blogger template Sunset by Ourblogtemplates.com 2008

Back to TOP