نلتقى بعد الفاصل

>> Thursday, July 20, 2006

الايام السابقه كان عندى حاله من الاكتئاب والضيق والخمول رهيبه ،سببها ما أشاهده على شاشا ت التلفزيون فى نشرات الاخبار وعلى المواقع الالكترونيه الاخباريه كان حصار رهيب لنفسى ، خنقنى وجعلنىأنسى كل شى اعمله واحبطنى بطريقه لم تحدث لى من قبل ، بالطبع هذا شعور كثير من الناس لما يحدث الان فى لبنان لانه كان بمثابه الصدمه لنا جمعيا ، بس للاسف تأثرى بما يحدث كان كبير أوى لدرجه انى كنت بامسك دموعى بالعافيه وانا مع حد ، كل هذا جعلنى اشعر بان الحياه سوده وان الظلام يخيم على كل شئ حولى ،لا أرى أى بصيص من النور أمامى ، ولكن والحمدلله ربنا استجاب لدعائى وارتفعت معنوياتى قليلا وشعرت بتحسن وخصوصا بعد ما رأيت من خسائر يتكبدها الصهاينه على أيدى مقاتلى حزب الله ، وأن شاء الله ربنا ينصرهم وأن كان العرب لم ينصروهم ، ولانى فى اشد الحاجه لانى اغير جو عشان ارتب افكارى واستعيد نشاطى واتعامل مع يحدث بايجابيه واتخلص من أثار الصدمه ،هاسافر أن شاء الله المصيف لمده عشرين يوم هاغير فيهم البرنامج اليومى لحياتى وطبعا هابتعد عن متابعه وسائل الاعلام شويه وده اكيد هايريح اعصابى شويه ناويه رجع بقلب وعقل جديد أن شاء الله أكتر تفاؤل وأكتر نشاط وكمان هارجع بنشاط أكبر لمدونتى ولحياتى عموما ، ووأتمنى لما أرجع تكون ظروف لبنان أتحسنت ويكون القاده العرب راجعوا أنفسهم واسقطواعن أنفسهم الجنسيه الاسرائيليه التى يحملونها واسترجعوا هويتهم العربيه والأسلاميه اللهم استجيب لدعائى.




3 comments:

eyeofbeholder Monday, July 24, 2006 2:15:00 PM  

مش قادرة تستحملي تسمعي اللي بيحصل حتاخدي اجازة 20 يوم وصلت بينا المأساة اننا مش قادرين حتي نتعاطف نحس بالمأساة اللي اخواننا بيعيشوها و الله لو كان باقي دم علي تلك الارض
ما كانش اي مسلم جاله دم يصيف
انا مش عدل كمان بس سامحيني كلامك شديد الاستفزاز.خلال ال 20 يوم العالم سيتغير سيموت من يموت سيهجر من يهجر سيقصف ما يقصف .سيتم تبادل الاسري او لا يتم have fun!!!!!!!!!!!!!!!!!!!

خالد كامل Thursday, August 03, 2006 6:23:00 PM  

دي وقت انا اقدر مش انا مقدرش احنا نقدر نعمل المعجزت

eyeofbeholder Thursday, August 03, 2006 10:20:00 PM  

يا حاج اذا كنا مش قادرين نشارك معنويا .ما قلناش تحاربوا طب علي الاقل حسوا تابعوا خدوا موقف في حياتكم

About This Blog

About This Blog

  © Blogger template Sunset by Ourblogtemplates.com 2008

Back to TOP