البيضه ...ولا الفرخه ؟؟؟

>> Wednesday, June 21, 2006

النهارده كان عندى اجتماع مع اصدقائى فى الفريق بتاعنا وهو تبع جمعيه اهليه وكنا بنتناقش عن الحاجات اللى نعملها فى الاجازه واتفقنا على شويه حاجات كويسه جدا هاتفيد الشباب اللى فى مدينتى وكمان الناس البسيطه اوى المهم بعد ده كله انتوا مش فاهمين ابه موضوع الفرخه والبيضه ده ........... الحكايه ان احنا اتنناقشنا فى احوال البلد وان البلد ده حالها ينصلح ازاى لو الحاكم اتغير ولا الشعب هو اللى يتغير بمعنى اخر زى ما قرات فى مدونه بلو روز هانمسح السلم من اوله ولا من اخره اصحابى شايفيين ان الحل اننا نمسحه من الاخر بمعنى ان الناس لازم تتغير الاول وهو دورنا احنا فى جمعيتنا وهو ده الايجابيه ولما قلت لهم طيب يا جماعه انتم مش عاوزينا نتكلم فى السياسه خالص عشان امن الدوله قالوا لى ما احنا اللى بنعمل ده برضه سياسه ولما نغير الناس هانقدر نغير الحاكم بس انا فى سرى قلت ابقى حلينى وناس مين اللى هاتتغير انا عن نفسى شايفه انى مش اروح على الموظف الصغير واقوله ما تاخدش رشوه لاحسن كده حرام هايقولى ما تبصى على اللى فوقىوانا لو ما عملتش كده هاعيش ازاى وهايدينى قائمه من الاسباب لا لها اول من اخر يعنى بمعنى اخر شوف الاول رب البيت ازاى كان حاله منصلح حال البيت كله هاينصلح حتى لو فيه عيل متلوف امله هاينعدل بسبب حال البيت كله وفى الوقت ده هيكون دور الجمعيات الاهليه والاحزاب السياسيه هيكون فعلا مؤثر وهايغير الناس لان فى الوقت هايشوفوا اللى حاكمهم مظبوط فهاينعدلوا حتى لو مجبورين انهم ينعدلواوهنا بقى نقنعهم باهميه اللى هما بيعملوه لان هاتكون كل وسائل الدوله بتصب فى هذا الاتجاه مشكلتنا بس حتى الان مش عارفين هى البيضه اللى جات الاول وال الفرخه يا ريت حد يجوب على السؤ ال ده لاحسن دماغى لفت خلاص.

4 comments:

صاحب البوابــة Wednesday, June 21, 2006 6:18:00 AM  

عزيزتي بوسي السلام علكيم ورحمه الله

لماذا تفترضين الفصل بين التغيير من القاعدة والتغيير من القمة ؟؟؟

لماذا لا تعملين على دمجهما معاً ؟؟؟
فالتغيير عبارة عن ثقافة والثقافة عادة لا تفرض بالقوة وهذا معناه انه لن يصح فقط التغيير من القمة دون القاع ؟؟؟

كما انه يا عزيزتي التغيير من القاع فقط لن يكتب له الاستمرارية لأنه بإختصار لن يجد من يدعمه من صناع القرار في دائرة القمة

ولكل ما سبق أرى ان الحل الوحيد في ضمان تغيير سلس هو ان نعمل بالتوازي في التغيير من القاع ومن القمة في وقت واحد ... ووقت أن نضمن دمج التغييران في وقت واحد فقد ضمنا تغييراً مؤثراً ومستمراً على الوجه الذي نبغاه

جميله بو حريد Wednesday, June 21, 2006 3:06:00 PM  

عزيز صاحب البوابه شكرا جدا على تعليقك وعلى فكرهانا اتفق معاك فى الرا ى ده تماما ولكن مشكلتى فى نقاشى مع اصدقائى انهم يريدون ان نبعد تماما عن الناس اللى فوق وكل شغلنا نخليه هلى التحت ممكن يكون خوف لاحسن يحصل لهم ذى اللى بيحصل لاى حد بيحاول يعبر عن معارضته للفساد فى البلد ده فهما شايفين خلينا شغالين على الناس اللى تحت لكن فى وجهه نظرى المتواضعه عمرنا ما هانقدر نمتغير بحق وحقيقى غير لما اللى بيحكمونا يتغيروا ومع كده انا شغاله معهم وعارفه ان احنا ممكن نعمل حاجه ويمكن لما ناس كتير تقف جنبنا نقدر فعلا نغير الناس اللى فوق لان فى الوقت ده عقليتنا مش هاتسمح لينا نتعامل كالبهايم يتتساق

shabaskandrany Thursday, June 22, 2006 3:59:00 AM  

اعتقد ان العمل الاهلى فى مصرى يحتاج الكثير والكثير من التطور ولا يجب ان نعتمد على الدولة او كمان وصفتيهم شيماء بالقمة يجب ان نعتمد على الشباب لتغيير مفهوم الجمعيات الخيرية المتبط فقط بتقديم المساعدات مع ان هذة الجمعيات لها ادوار اكبر من ذللك بكثير واهم هذة الادوار هى الدور السيايى ونشر مبادئ الديمقراطية واقترح عليكى شيماء مشروع جميل يمكنك عملة فى الجمعية وهو دستور لكل بيت وهو يتكلف مبالغ ذاهدة ولكن لة اثر كبير جدا وربنا معاكى

eyeofbeholder Saturday, June 24, 2006 5:13:00 PM  

كلام يوطوبي فاخر حتغيري القمة اذاي؟حتزعقي و تقولي يا ولاد الكلب حتتسجني و تتبهدلي و مفيش مصري حيهتم و اللي حيهتم حيتلقح جنبك العملية اكبر من كده يخش فيها الجميع بره و الاخوان و الصحافة و القضاة و المستوي الاول من الشباب الناشط علي المستوي.
ثوري زي ما انتي عايزة اللي ما لوش ظهر بيضرب علي بطنه و موضوع القضاة اصدق مثال

About This Blog

About This Blog

  © Blogger template Sunset by Ourblogtemplates.com 2008

Back to TOP