عنى ... أحاول التعرف

>> Thursday, February 28, 2008


هل استيقظت صباح يوما وانت لاتعلم سبب انقباض قلبك ؟




هل استيقظت فى يوم اخر وانت تضحك ومنكشح اوى رغم انك صاحى على صوت دوى معركه بين افراد اسرتك ؟




هل نظرت صباح يوم الى المرآه فلم تتعرف على نفسك بسبب السواد و الاصفرارو الاحمرار من حب الشباب وانت كان شاكلك قبلها بليله زى الفل ؟




هل جاء وقت تتساءل فيه لما تغير جميع من حولى معى لما لم يعدى يفهمنى


أعز الناس وأٌقربهم الى قلبى ؟




هل مرت عليك أيام وانت تتساءل عما اصابك ...هل انا سعيد أم حزين ... هل انا لازلت كما أنا ... ام أنه اصبح من الصعب التعرف على ؟




هل جاء وقت كرهت كل فيه عاداتك حتى احبها اليك ...لماذا لاأ كتب سؤال طرحته على نفسى بل لماذا توقفت عن التفكير حتى لما لا اكتب ؟




هل قفلت ا يام موبايلك وتهربت من الرد على التليفونات ...وكانك تخشى أن يرى الاخرين فيك حزن او ضعف ؟




هل ,وهل وهل






كانت هذه جزء من تساؤلاتى فى مرحله ما ربما أجبت بعضها ... ولازلت ابحث عن اجابات اخرى...


... فى وقت تزداد فيه التساؤلات




أحاول التأقلم مع التغييرات فى حياتى و مع ما يتبعها من تغيرات فى شخصيتى .... و ممن أحبهم ويحبونى أطلب تقبلى كما أنا ... فلم يأتى يوم أرغمت فيه احد على أن يتغير من أجلى.




كده يبقى خلصت الجزء النكد والكابه و و الصراحه انا قلت اشمعنا انا مش تكونى مدونتى كابه انا بطلت ادخل على المدونات من كميه الامراض النفسيه اللى باشوفها .... ربنا يرحمنا جميعا وفكوها يا جدعان شويه يفكها عليكم ربنا




طبعا انا فاتنى فى الفتره السابقه حاجات كتير كنت مكن اكتب عنها ... بس اعتقد كلامى مش كان هيضيف كتير




فخساره مصر لانسان محترم زى الاستاذ مجدى مهنا يوقف اللسان عاجز أمامها




و نفس الشئ ينطبق على ما يحدث فى فلسطين وعندنا فى مصر من اسعار ومحاكم عسكريه وفساد ...عيشه ميه ميه






هذه الايام حياتى زخمها من جديد بعد فتره من الركود فى البيت




ساحاول ان أخطف جزء من الوقت للكتابه....وحشتنى بنت الايه جداااااا




كما أفتقد القراءه بشغف كما كنت فى السابق.. ولكنى فى طريقى الى ذلك , فاقرء هذه الايام ثلات كتب فى نفس واحد






الاول الاسلام والسياسه لحسين فوزى النجار والكتاب ده استكمال لكتاب الاسلام واصول الحكم لعلى عبدالرازق




الثانى مذاكرات شابه غاضبه مش أنا طبعا :) والكتاب سلف من لولا حبيبتى ومش هتشوفه تانى




و الكتاب الثالث لمصطفى محمود ...عالم الأسرار




باذن الله اكتب عن ما افضل ما فى هذه الكتب ... ..وباذن الله شعورى بانى أفضل حالا يستمر


فعلى انا اتعلم كيف استنشق الهواء كل يوم حتى لو استيقظت وانا لا اجد ضروره لوجدى فى الحياه

4 comments:

ثورة Friday, February 29, 2008 4:11:00 AM  

ربنا يديم علينا جميعا فترت التحسن

الحياه حلوه عيشها واتمني
الحياه حلوه محلي انغامها
ارقصوا وغنوووووا
الحياه حلوه

بالنسبه لدوي معركه بين افراد اسرتك
فده العادي
صبح ومسا

منشكح اوي او زعلان اوي لأ
انا غالبا في حالة حيااااد
ببص للى حواليا وبحاول استوعبه عشان اكون موقف منه
و لازم اكون موقف منتصر على الظروف
مش الظروف اللى تنتصر عليه

ولما يحصل شيء يفرح بعيشه بتبذيييير
والاكتئاب حصلي مرتين ف العمر
كل مره كان يعقبها تحسن كبير جدا


بوست حلو يا امرأة يا حديديه
بيئه شوية بس مش مشكله
هههههههههههههه

بحبك يا دزمه
يسلم لنا بيت تيته اللى بيجمعنا
والرحلة اللى طلعناها سوا
والكورس اللى بنروحوا سوا
يا أحلى 4 بنات إخوات

مممممممممموه

doda Wednesday, March 19, 2008 1:46:00 AM  

اذيك يا بسبوستى يا جميلة
وهتفضلى طول عمرك جميلة
باذن الله
بس كل التساؤلات اللى انتى كاتباها الواحد حس بيها

ياااااااااااااااااااة
ياما الواحد صحى ولقى نفسة مكتئب ويدور على السبب مش لاقى
بس ربنا يستر علينا
شكلنا مع الايام الجاية واحوال الشعب هتبقى اكثر كابة
فمتستعجليش

Outsider Sunday, March 30, 2008 6:16:00 AM  

أحاول التأقلم مع التغييرات فى حياتى و مع ما يتبعها من تغيرات فى شخصيتى

Bravo gamila...keep working on urself

:)
• Anticipate change.
• Adapt quickly.
• Enjoy change.
• Be ready to change quickly, again and again.
• If you do not change, you can become extinct.

ساحاول ان أخطف جزء من الوقت للكتابه....وحشتنى بنت الايه جداااااا

Do u really miss ur blog?!
;)
1 month has passed since ur last post
Then what?
Do u expect ur blog is gonna talking to u?!

فعلى انا اتعلم كيف استنشق الهواء كل يوم حتى لو استيقظت وانا لا اجد ضروره لوجدى فى الحياه

It's a philosophical view about life
:D

U remind me of Victor frankl(an Austrian neurologist and psychiatrist)

his experiences in a Nazi concentration camp led him to conclude that even in the midst of so much suffering, there is still meaning to be found in existence

http://en.wikipedia.org/wiki/Viktor_Frankl

:)

Take care of urself!

My best regards

wael Tuesday, April 01, 2008 6:48:00 AM  

الحمد لله مررت في فترة الاسئله الكتير بس طلعت منها بأجوبه مقنعه جدا وهي اني مش عارف اي حاجه ومش عايز اعرف اي حاجه
احساس مريع احساس الولاحاجه
اشكرك على تذكيري بكوني مش حاسس بأي حاجه

About This Blog

About This Blog

  © Blogger template Sunset by Ourblogtemplates.com 2008

Back to TOP