عنى ... أحاول التعرف

>> Thursday, February 28, 2008


هل استيقظت صباح يوما وانت لاتعلم سبب انقباض قلبك ؟




هل استيقظت فى يوم اخر وانت تضحك ومنكشح اوى رغم انك صاحى على صوت دوى معركه بين افراد اسرتك ؟




هل نظرت صباح يوم الى المرآه فلم تتعرف على نفسك بسبب السواد و الاصفرارو الاحمرار من حب الشباب وانت كان شاكلك قبلها بليله زى الفل ؟




هل جاء وقت تتساءل فيه لما تغير جميع من حولى معى لما لم يعدى يفهمنى


أعز الناس وأٌقربهم الى قلبى ؟




هل مرت عليك أيام وانت تتساءل عما اصابك ...هل انا سعيد أم حزين ... هل انا لازلت كما أنا ... ام أنه اصبح من الصعب التعرف على ؟




هل جاء وقت كرهت كل فيه عاداتك حتى احبها اليك ...لماذا لاأ كتب سؤال طرحته على نفسى بل لماذا توقفت عن التفكير حتى لما لا اكتب ؟




هل قفلت ا يام موبايلك وتهربت من الرد على التليفونات ...وكانك تخشى أن يرى الاخرين فيك حزن او ضعف ؟




هل ,وهل وهل






كانت هذه جزء من تساؤلاتى فى مرحله ما ربما أجبت بعضها ... ولازلت ابحث عن اجابات اخرى...


... فى وقت تزداد فيه التساؤلات




أحاول التأقلم مع التغييرات فى حياتى و مع ما يتبعها من تغيرات فى شخصيتى .... و ممن أحبهم ويحبونى أطلب تقبلى كما أنا ... فلم يأتى يوم أرغمت فيه احد على أن يتغير من أجلى.




كده يبقى خلصت الجزء النكد والكابه و و الصراحه انا قلت اشمعنا انا مش تكونى مدونتى كابه انا بطلت ادخل على المدونات من كميه الامراض النفسيه اللى باشوفها .... ربنا يرحمنا جميعا وفكوها يا جدعان شويه يفكها عليكم ربنا




طبعا انا فاتنى فى الفتره السابقه حاجات كتير كنت مكن اكتب عنها ... بس اعتقد كلامى مش كان هيضيف كتير




فخساره مصر لانسان محترم زى الاستاذ مجدى مهنا يوقف اللسان عاجز أمامها




و نفس الشئ ينطبق على ما يحدث فى فلسطين وعندنا فى مصر من اسعار ومحاكم عسكريه وفساد ...عيشه ميه ميه






هذه الايام حياتى زخمها من جديد بعد فتره من الركود فى البيت




ساحاول ان أخطف جزء من الوقت للكتابه....وحشتنى بنت الايه جداااااا




كما أفتقد القراءه بشغف كما كنت فى السابق.. ولكنى فى طريقى الى ذلك , فاقرء هذه الايام ثلات كتب فى نفس واحد






الاول الاسلام والسياسه لحسين فوزى النجار والكتاب ده استكمال لكتاب الاسلام واصول الحكم لعلى عبدالرازق




الثانى مذاكرات شابه غاضبه مش أنا طبعا :) والكتاب سلف من لولا حبيبتى ومش هتشوفه تانى




و الكتاب الثالث لمصطفى محمود ...عالم الأسرار




باذن الله اكتب عن ما افضل ما فى هذه الكتب ... ..وباذن الله شعورى بانى أفضل حالا يستمر


فعلى انا اتعلم كيف استنشق الهواء كل يوم حتى لو استيقظت وانا لا اجد ضروره لوجدى فى الحياه

Read more...

رساله بابا مبارك لشعبوا فى 2008

>> Friday, February 01, 2008

تنويه: الرساله الوارده اللى فى البوست انا مش مسئوله عنها ولا انا اللى كتبتها ....هى مجرد رساله اوف لاين مرسله لى من بنت خالتى اش اش عجبتنى جدا وحسيت انها بتتكلم عن غلبنافى ام البلد ده بطريقه فيها سخريه لذيذه ..ولو بابا مبارك زعل من الكلام و حب يبعت حد من محامى الحزب الوطنى يرفع قضيه العيب فى الذات الملكيه على صاحب الرساله ..هاعطيه عنوان اش اش حبيبتى اصلها وش معتقلات وضرب على القفا
واليكم المرسوم الملكى:
يا شعبى يا حبيبى يا روحى يا بيبى... يا حاطك ف جيبى يا ابن
الحلال... يا واكل سمومك يا بايع هدومك يا حامل همومك و شايل
جبال.... يا شعبى اللى نايم وسارح و هايم و ف الفقر عايم و حالو
دا حال ...احبك محشش مفرفش مطنش و دايخ مدروخ و اخر انسطال.....
لكن لو تفكر تخطط تقرر تشغللى مخك وتفتح جدال وتبدا تشاكل و
تعمل مشاكل و تنكش مسائل و تسال سؤال .....هبهدل جنابك واذل
اللى جابك وهيكون عذابك دا فوق الاحتمال.
كل سنه وبابا كابس على نفسنا قولوا امين يا ولاد

Read more...

About This Blog

About This Blog

  © Blogger template Sunset by Ourblogtemplates.com 2008

Back to TOP