رساله بابا مبارك لشعبوا فى 2008

>> Friday, February 01, 2008

تنويه: الرساله الوارده اللى فى البوست انا مش مسئوله عنها ولا انا اللى كتبتها ....هى مجرد رساله اوف لاين مرسله لى من بنت خالتى اش اش عجبتنى جدا وحسيت انها بتتكلم عن غلبنافى ام البلد ده بطريقه فيها سخريه لذيذه ..ولو بابا مبارك زعل من الكلام و حب يبعت حد من محامى الحزب الوطنى يرفع قضيه العيب فى الذات الملكيه على صاحب الرساله ..هاعطيه عنوان اش اش حبيبتى اصلها وش معتقلات وضرب على القفا
واليكم المرسوم الملكى:
يا شعبى يا حبيبى يا روحى يا بيبى... يا حاطك ف جيبى يا ابن
الحلال... يا واكل سمومك يا بايع هدومك يا حامل همومك و شايل
جبال.... يا شعبى اللى نايم وسارح و هايم و ف الفقر عايم و حالو
دا حال ...احبك محشش مفرفش مطنش و دايخ مدروخ و اخر انسطال.....
لكن لو تفكر تخطط تقرر تشغللى مخك وتفتح جدال وتبدا تشاكل و
تعمل مشاكل و تنكش مسائل و تسال سؤال .....هبهدل جنابك واذل
اللى جابك وهيكون عذابك دا فوق الاحتمال.
كل سنه وبابا كابس على نفسنا قولوا امين يا ولاد

5 comments:

media Thursday, February 14, 2008 9:30:00 PM  

انا اول كومنت وعرفت ليه لحد دلوقتى محدش كتبلك كومنت
شكلك فاهم يا نصه

اوعى تقلقي يا حبيبتي انا بعت البت اختى تجبلي علبتين حلاوة واحده ليكى وواحده لبنت خالت
احنا برده مهما كان اصدقاء مش معقول اسيبك جعانه

في المعتقل
هتصعبي عليا اوى يا بوحريد هيبقى في 2 ابو حريد في العالم
منها لله بنت خالتك ضعيتك بدري يا حبيتي
يالهووووووووووووووى
مش هتلحقي تبقى اعلاميه كبيرة
مش عوزاكى تقلقي كلنا معاكي يا قلبي

بالدعاء بس اوعى تفتكري حاجه تانيه

almasry Saturday, February 23, 2008 4:01:00 PM  

سيادتك مش كتبت الرساله
اللى اكتبها ليه متحامل جدا عليه ياجماعه انا مش فاهم هو يعنى الريس اللى بيسرق احنا ياسيدى الفاضل بنضحك على بعض وانت أكيد فاهم الوزراء بيسرقوا والمحافظين بينهبوا واللعمد ومشايخ البلاد بيلهفوا ولا انتم شاطرين تغلطوا فى الراجل علشان بيتشتم ويقول الله يسامحكم؟
تحيــــــــــاتى اخوك
المصـــــــرى

ثورة Tuesday, February 26, 2008 1:12:00 AM  

هبهدل جنابك واذل اللى جابك



يا ساتر يا رب
ده ايه الغل ده

يا بنتي اقصري الشر خليكي تاكلي عيش
اللى ملوش خير ف حاتم ملوش خير ف مصر
ورغرطي يللي منتش غرمانه
:D

ازيك ياض
واحشني
الكابتشينو اللى جبتهولي عملي دماغ تماااام
وعلى فكره من غير اللبن طعمه احلي
ازواق بقى يا معلم

بفكر ف مشروع قومي يلم بنات العيله بدل الصياعه اللى هما فيها دي
ايه رأيك
دراسة الجدوي يوم الخميس عند تيته
وسلملي على التروماي
هع هع
مممممممممموه

محاولة لكسر الصمت Tuesday, February 26, 2008 8:03:00 PM  

على أولا شكرا على القصيدة الجميلة دي.ليكي او لبنت خالتك..........بس على فكرة هيه ليها باقي.لما تقريه هيعجبك جدا

جميله بو حريد Friday, February 29, 2008 3:23:00 AM  

لولتى

انا يا حبيبتى اول حد هعترف عليه هو انتى ... انا نادله كبيره زى اما نتى عارفه


المصرى

الدنيا خربااااانه يا باشا


ثوره

انا عاوزه حق الكابتشينو وعلى فكره هو باللبن احسن بقى

دواير

لا انا ولا بنت خالتى اللى كتبنا الكلام ده انا مش ناويه اعترف على نفسى هنا ومش هاتكلم غير قدام المحامى بتاعى :)

About This Blog

About This Blog

  © Blogger template Sunset by Ourblogtemplates.com 2008

Back to TOP