من طلب العلا دخل كليتنا

>> Tuesday, January 08, 2008


.... امتحانات .... ضرس العقل ..... نزله برد


هكذا بدأ العام الجديد فى حياه المغفور لها _أبو حريد المناضل _من فوق المكتب وهى تحاول جاهده جهيده متجهده ان تتقبل فكره انها تذاكر ماده لم تشرح اصلا فى الكليه تضاف الى عامين سابقين من المواد عديمه الفائده فى كليه عديمه جزمه قديمه كمان.



طبعا لان ابو حريد المتين لم يخلق اللى يذله لسه, كسرت حالت المرض والقرف بالاستماع لاحتفال اذاعه البرنامج الموسيقى _ الصراحه الناس ظبطونى فى الاغانى الاجنبى و الاس ام اس

حسيت انى مش لوحدى فى تلك الليله الغبراء , طبعا كان معاى على التليفون زملاء الكفاح وهما بيعبروا لى عن مده فرحتهم بالماده ووبالليله العثل ده :(



عدى الامتحان وجه امتحان تانى وفى كل ترم بتنقح عليا كرامتى انى دخلت الكليه ده رغم انى داخلها بالبقشيش بتاع المجموع المجموع نفسه كان جايب سياسه واقتصاد.. عاااااااااااا



من حقى اعيط و واثوت و اشد فى الشعريتين اللى باقين وانا معاى واحد بيدخله ليه ورقه الاجابه فى اللجنه عشان ايه يا جدعان ابوه الموقر موظف فى الكليه :)


قد ايه بلدنا فيها عداله اجتماحيه _ لا مؤاخذه فى العين- وتكاتنفح فى الفرص _ المفروض كانت تكافؤ


احنا ارباب الجامعات المصريه علينا الصبر لانى ادركت ان سياسه واقتصاد ..طب .. هندسه ..كله فى الهوا سوا

دكاتره أباطره ... مناهج متحنطه ... مبانى ومدرجات مخلعه


وأعداد غفيره من الطلبه اللى اتضحك عليهم فى الثانويه العامه واتقالهم ذاكروا عشان تدخلوا كليات القمه


و

و

و

لاقوا نفسهم فى قاااااااااااع المحيط


اتضحك عليكم يا حبايبى


وبمناسبه العام الجديد اهدى الطلبه امثالى والغلابه اللى فى الثانويه العامه ومنهم شوشو اختى


أغنيه الدنيا خربانه:)



ان شاء الله ارجع من الامتحانات كويسه واكتب عن حاجات تعطى امل وحب فى الحياه ..فانا لازلت اكتب واحلم بالحب والحريه

10 comments:

ثورة Tuesday, January 08, 2008 1:30:00 AM  

انا بشجع كل الاغاني الشعبيه الراقيه دي
وبشجع الاستاذ شعبان واشباهه ونظائره

حلو اوي الموضوع ياض يا ابو حريد
وانا أؤيد وأدعم وأساند
من هذا المزنق
كل كلمة انتي قلتيها

هو بس محشور حاجه ف زوري
فكره عامله زي الدبانه بتزن ف دماغي بقالها مده

الناس بتدخل الكليات على أساس ايه ؟
الكلية اللى هتجيبلي شغلانه بتجيب فلوس ؟
ولا الكلية اللى انا بحبها

وهو ليه عندنا لا دي نافعه ولا دي نافعه

وهو ليه الواحد بيتخرج وبعدها يحس إنه لسه محتاج يبدأ من أول وجديد

أو يسافر ويريح دماغه

هو نظمي ده ايه نظامه
حاجه تقرف
ياااااااااااااااااع

media Tuesday, January 08, 2008 1:37:00 AM  

سبقتيني يا بوسي كنت ناوية اكتب عن الامتحانات وقرفها بس انتي عبرتي عننا كلنا
الهي تولع بمدرجتها انا بجد مخنوقة اوي ان واحد واطي زي دة ميسواش بصلة الواحد لوشافة يرجع بياخد الاجابة على الجاهز وقال ايه بيطلع الاول
يالهوووووووووووووووووووووووووووووي
عوزة اصوت يا ناس بقى فردة الجزمة دة يطلع الاول ايهيء ايهيء ااااااااااااااااه

ربنا يا خد الظلمة ويا خدك يالي في بالي ربنا المنتقم
قوية ومفترية وعلى الغلابة مستقوية
بتقول عندها ضمير وضميرها ميسويش بربع جنيه طعميه
قال بتدي الحق دا الحق عندها معدوم الهوية

والتاني مبيظلمش
كل الناس عنده مبتفهمش


والتات طيب وغلابان اه يا عيني
نجاوب له كويس في الامتحان
ومبيدناش تقدير يملي عين كلب جربان


دي نوع بسيط من البلاوي الموجودة في كل مكان
مناهج زفت وجامعات هباب واقسام منيلة
ما هي دي مصر يا عالم عاوزين ايه غير كدة دا اقل واجب

يارب انت المنتقم

Famy Qandil Tuesday, January 08, 2008 2:49:00 AM  

ربنا يعينك يارب
:]
سعدت بازيارة هذه المدونة الجميلة
وفقك الله
:)

Anonymous Tuesday, January 08, 2008 2:49:00 AM  

هل تريد تحقيق دخل اضافي من الانتر نيت من غير اي رأس مال …
الملايين يفعلون ذلك
لمعرفة المزيد ..ادخل الرابط
www.naimkawar.blogspot.com

Muhammad Mammdouh Tuesday, January 08, 2008 9:10:00 AM  

الدنيا خربانة من زمان
والمفروض اننا نعمل الحاجة الى احنا شايفين نفسنا فيها عشان منبقاش سلبين
ونقول كده وكل سنة وانتى طيبة واتجدعنى على قد ماتقدرى لان انتى اكيد اكيد فى مصر لازم كل الى بتقولى علية يحصل نزرع القمح فى سنين تطلع الكوسة فى ثوانى وبعدين هى اية حكاية حرف الثه

Anonymous Tuesday, January 08, 2008 7:13:00 PM  

لو كنت فى كليتنا لاختلف الامر من طلب العلوم اتى لالتى تخرجنا منها لنعمل على المقهى
خربانة الدينا هى خربانة بعقل

Anonymous Wednesday, January 09, 2008 6:21:00 PM  

ماتزعليش اوى كده كلنا فى الهوا سوا
ghanyyabahia.blogspot.com

Anonymous Sunday, January 13, 2008 2:22:00 AM  

اتغطى كويس وانت نايم يا أبو حريد!

وبلاش دخان وحشيش ونسوان يا بنى

صحتك بالدنيا

تعليم ايه بس!

Halawa Thursday, January 17, 2008 1:30:00 AM  

لا حول ولاقوة الا بالله

ميجيبها الا أبو حريد

بالتوفيق ربنا معاكي
قلقتينا عليكي

هانت كله بيعدي
بس أحلى حاجة فيها
انها خرباااااانة
يعني أي حاجة هتعملها
هتبقى خراب ف خراب
مش فارقة بقى

ايه القرف اللي بقوله ده
أصلي في أجازة دلوقتي
والناس كلها بتمتحن
ههههههههههه

حبيت أسلم على سيادتك بس

تحياتي

sakayar Saturday, January 19, 2008 4:15:00 PM  

معلش معلش
بطبطب وانا بقول معلش
ومفتح عين ومغمض عين بخباسة وفيه ابتسامة شماتة
ههههههههههههههههههه
يلا كلها بكرة بس وبعده وتخلصوا امتحاناتكم وتتخرجوا للدنيا الجميلة
ههههههههههههههه
عااادي يابوحريد ما انا برضه خريج نفس الكلية .... بس كنت بستمتع بكل وقتي حتى وانا جوه لجنة الامتحان علشان عرفت من الاول انها خربانة خربانة ومش هفلح غير لما اطلع بره الكلية اللذيذة دي
اتجدعني انتي بس وخلصي وانا اجيبلك عقد في الاردن
هههههههههههه
ربنا معاكم ويوفقكم كلكم

About This Blog

About This Blog

  © Blogger template Sunset by Ourblogtemplates.com 2008

Back to TOP