عرييييييييييييييييييس الغفله

>> Sunday, December 09, 2007

المشهد الاول :تقف الفتاه فى البلكونه صباحا , تنظر الى السماء وتدعو الله أن ينقلب الجو 180 درجه وتهب العواصف وتهطل الامطار ويقوم أعصار يخسف بالمدينه .... حتى لا يأتى العريس الى منزلهم.


المشهد الثانى : تخرج الفتاه من غرفتها تنظر الى وضع المنزل تجد كل حركه تنضيف على ودنه مما يثير أعصابها فكل الشواهد و الادله الجنائيه حولها تشير الى ان ما يحدث حولها ليس كابوس من كوابسهاالاكشن والرعب وانما هو أمر واقع او سيقع بالزياره المشئومه لعريس الغفله

المشهد الثالث : تقف الفتاه أمام مراه

الحمام تنظر الى وجهها عيناها متورمه من البكاء طوال اليومين السابقين منذ معرفتها عن قدوم العريس , تفرح فى داخلها وتقول شاكلى المهبب ده أكيد هايطفشه, ثم لا اراديا وهى تغسل أسنانها تجد الدموع تنهمر من عينيها

المشهد الرابع : تجلس الفتاه فى غرفتها تكتب مذكرتها عن هذا اليوم وتحاول ان تتوقع ما سيحدث , تمر الدقائق عليها بطيئه جدا الزمن لايتحرك تكاد تبكى من جديد ولكنها تماسكت واتصلت بصديقتها التى جعلتها تضحك ولو قليلا على حالها وذكرتها بانه موقف وهيعدى واذا ارادت ان تطفش العريس عليها ان تضع ليه الشط فى الشربات وتلبس زى سعاد حسنى فى فيلم الزواج على الطريقه الحديثه وهى نصيحه اسدت لها كل صديقتها

المشهد الخامس :تجلس هى سريرها وأمامها جهاز الكمبيوتر تقرا روايه الحب فى زمن الكوليرا ووقفت عند الجزء الذى يحاصر فيه الدكتور فيرمنيا داثا لكى يتزوجها وكيف هى غاضبه منه ,تذكرت حالها وشعرت بضيق شديد وخصوصا مع اقتراب الوقت, تنظر الى الساعه لم يعد على الموعد سوى ساعه ونصف

المشهد السادس : تطلب الام منها ان ترتدى ملابسها فتأخذ ملابسها وتتوارى عن أنظار ابيها وامها وتجلس فى ارض الحمام تبكى لمده ساعه ثم ارتدت ثيابها ومسحت دموعهاوتذكرت انها لم تخالف مبادئها ولن تتزوج بهذه الطريقه التى يكون فيها زيد زى عبيد, فهى ارغمت على هذا فلا داعى لتأنيب الضمير فهى مقهوره.

المشهد السابع: جرس الباب يدق مصاحب هطول أمطار لقد استجاب الله لها .... تدخل تسلم على الحاضرين فهم كثر مستغربه من حضور هذا العدد .... الكل يتحدث عن كل شى فى الحياه أحمد عزو الجمارك والفقر ومنى الشاذلى و الجمارك والضرايب وبيع الاعضاء وهى جالسه تنظر الى الكل ولااحد ينظر لها سوى والدها يرمقها بنظرات ناريه العريس لا يشارك فى الحديث سوى بضحكات غبيه من حين الى اخر فكل مالاحظته هى تلك الضحكه المستفزه بالرغم من وسامه العريس كما ذكر لها والدها عنه من قبل , ينسحب الموجودين ليفسحوا لهم المجال للحديث.

المشهد الثامن: ينقطع النور وفى سرها غنت مقطع يا مرحبا يا

مرحبا نوركم غطى على الكهربا , فى تلك اللحظه شعرت بان القدر يساندها فى موقفها الرافض لها ولكنها تحدثت معه بدون خجل واى ارتباك,كل الحديث دار عن عملها فهو يتهكم على المرأ ه التى تعمل ويذكر لها ان هناك فروق كثيره بين الرجل والمراه ومنها انه طلب منها ان تنزل رجلها من على بعض فهو لايحب انتجلس فتاه هكذا امامه فى حين كان جالس ووضارب رجله فى وشها

لم يحاول ان يخرج عن موضوع الشغل وكان الحديث بينهم مباره تنس حاميه من جهتها فقط فهى تجاوب على اسئلته باقتدار جرح ذكورته فهو اظهر لها انه يريد جاريه ف سياق كلامه ولكنه يجلس مع ملكه تصغره بثما ن اعوام رسميا ولكنها تكبره بقرون ميلاديه فى التفكير

لم يتحدث سوى عن مكانته فى المجتمع وعن امواله واراضيه لم يتحدث عن شئ واحد داخلى فيما هى تجردت من مكانتها الاجتماعيه وتحدثت عن نفسها

فشل ان يثنيها عن رايها ولكنها لم تفشل فى اعطائه دش بارد فى فى تلك الليله قارسه البروده

انتهى الحديث بينهم بانه يريد ردها بسرعه وانه يعطيها فرصه لتفكر من جديد ويفكر هو فى وسيله لتغير رايها

اغلقت الباب واعطته ردها بسرعه

ذكورى متعفن متحنط من ايام الجاهليه

ربنا يتولى المسكينه اللى ست امينه الل هاتقع تحت ايده

لمشهد الاخير : تستيقظ فى الصباح وتجد نفسها تغنى ما تحسبوش يا بنات ان الجواز راحه وما تزعلوش يا بنات ان

بصراحه ان الجواز عمره ما كان رااااااااااااحه وتتوجه الى الجامعه وتحكى لصديقاتها انها كانت ستكون ست امينه وظلوا يضحكوا ويضحكوا

10 comments:

Anonymous Monday, December 10, 2007 12:05:00 PM  

يعني أفهم من كده إن الدنيا شتيت عندكم في المنصورة النهارده
يعني هرجع المنصورة هلاقيها تبحر وسط بحار الامطار :D
علي العموم هوه مطلوب توصيف دقيق للشكل إلي إنتم عايزين تتجوزوا بيه
بدلا من أن نرفض الشكل الموجود حاليا ، علينا أن نضع ملامح الشكل الجديد الذي نريده
دمتم سالمين بعيدا عن أمطار المنصورة الغزيره

Anonymous Monday, December 10, 2007 7:48:00 PM  

The story of this girl reminds me of the palestinian rana whom her father obliged her to chose her husband from a pre-selected list of eligible men

But

what does rana do?
:D

just guess with me

She sneaks out of her father's house at daybreak to find her forbidden love, Khalil. Facing barriers and occupation which have become an everyday reality, Rana overcomes her fears and doubts, deciding not to let anyone control her life.

http://www.sis.gov.ps/arabic/roya/23/page7.html

abu herid:

Don't let anybody control the life of this girl... she has to make her destiny and create a chance of better life

my best regards

جميله بو حريد Monday, December 10, 2007 8:53:00 PM  

اللواء ميت

لا الدنيا نورت وا لشمس طلعت عشان عرفت انك جايى يا ويلكم بيك


اما م بخصوص الشكل اللى الاموره ده عاوز تتجوز بيه هو على الاقل اقل توصيف ليه انه شكل يحترم ادميتها وحريتها فى الاختيار وواحساسها انها اختارت شريكها وهو اختارها لذاتهم وليس لماديتهم

وعلى فكره زى ما قلت لك طلع العريس عامل اعلان ان عاوزه عروسه بشعر اصفر يكون قدامها سنه عى التخرج وتقبل وظيفه الجاريه كهرمانه

جميله بو حريد Monday, December 10, 2007 8:58:00 PM  

eternal enigma

i like this name

thanks for your nice comment

and ican say now that this girl know what she want and how to do

she does her best always

ثورة Monday, December 10, 2007 11:04:00 PM  

ههههههههههههههههه
مبحبش البنت تحط رجل على رجل ؟
ده انت قاعد ف بيتي يا .....

الدور الدور الدور الدور
موعوده يللي عليكي الدور
ده كاس مر وداير ع الكل
حسره عليها يا حسره عليها
هههههههههههههه

أراضي
وأموال
ومكانه اجتماعيه

فل أوبشن ياخواتي
مطرح ما يسري يمري
وبالهنا والشفا

:D

media Monday, December 10, 2007 11:52:00 PM  

بجد يا بوسي مش قادرة امسك نفسي من الضحك
هواصلا كان عريس نحس
حقا ذكوري متعفن

انتي مش بس ادتية دش بارد
دا انتي زحلقتية بصابونة كامية معطرة بالعطور الفرنسية
هههههههههههههه

هي دي البنت الطموحة بجد
برافوا عليك يا بوسي
اديلة مترحمهوش

كان فاكر نفسه هدوبي في دباديبة لما تشوفي وسامتة وفلوسة
يخي يولع بوسامتة وفلوسة.احنا بتوع الكلام دة

ذكوري متعفن

ثورة Tuesday, December 11, 2007 2:38:00 AM  

أنا قلتلك تطفي النور وتلبسي إسود وتربطي العصبه وتطلعيله زي شريهان ف مسرحية سك على بناتك

كلمتين عن المساواة وحقوق المرأة والمشاركة المنزلية ومش هتحتاجي تقولي مع السلامه حتى

كان نفسي أوي أشوفك ف الموقف الزباله ده
بطلع لساااااااااني

sakayar Wednesday, December 12, 2007 3:49:00 PM  

هههههههههههههههههه
خايفة من إيه؟؟؟
عاااادي يعني
مسيرك تطبي وتتجوزي
ربنا يكتبهالك وأشمت فيكي .. بس يكون حد يستاهلك بجد هههه مش ذكوري متعفن
هههههههههههه
ايه الألفاظ الغريبة دي؟؟؟
ربنا يسعدكم

Anonymous Wednesday, December 12, 2007 10:11:00 PM  

فكرتينى يا بوسبس بالعريس الاولانى قال ايه عين امه عايزنى اقلعله الجزمة وادلكلوة رجليه ليه رشدى اباظة ولبنى عبد العزيز.. بس يا بت اصبرى وربنا بيعوض واديكى شوفتى ربنا رزقنى باجمل شخص فى الدنيا عقبالك يا بسبوستى وتتخبطى فى الشخص ال يخطف قلبك وعقلك وعود الجرجير ايمان

الطائر الحزين Saturday, December 15, 2007 3:16:00 AM  

هل المشكلة فى ما ناقشتة معه العروس وافكارة
ام المشكلة فى طريقةالزواج نفسها
ام ان المفترض ان تتعرف عليه قبل


طبعا التكافؤ مطلوب

اما قضية عمل المرأة فلها ضوابط منها الواجب والمفروض ومنها المستحب ومنها غير المطلوب

بارك الله فيك

كل عام انت بخير

About This Blog

About This Blog

  © Blogger template Sunset by Ourblogtemplates.com 2008

Back to TOP