مراسله من المنطقه المنكوبه

>> Friday, November 09, 2007

أحييكم من حيث أنا واقفه -فى أرض لا معالم لها لا هى بغربيه ولا هى بشرقيه لا هى ديموقراطيه ولا بدكتاتوريه-حيث امتزجت القهوه بالويسكى وغطاء الرأس بملابس العاهرات واللحيه بالعين الزائغه واليد السارقه

انتقلت بكاميراتى بين الحاضرين و الغائبين فى محاوله لتسجيل ما يحاولوا اخفائه عن أنفسهم عندما تحاشوا النظر فى المرآه عراه حيث لا لحيه ولا غطاء حيث لا منافقين يرسموا البورتريه الذى تريده نفسك بحرفيه تتفوق على أعظم رسامى البورتريه.

ملحوظه عزيزى القارئ: فكاميراتى التى احملها ليست كاميرا الموبايل ولكنها من نوع اخر انها كاميرا بشريه لونها عسلى قادر ه على فضح الاخرين دون ان يأخذوا حذرهم منها كما اعتادوا دائما على ترديد كلمات معينه أمامها من شاكله ربنا يخلى الريس والنبى الاحوال حلوه يا اختى

الصوره الاولى لمجموعه من أعضاء الحزب الحاكم فىالمنطقه المنكوبه وهم يتحدثوا عن أ ن شغلهم الشاغل هو حمايه محدودى الدخل وعلى الجانب الاخر يجلس عم بيومى واصدقائه على رصيف القهوه ليعلنوا جميعا قرار حاسم وهام وهو انتقالهم الى معدومى الدخل ومعدش فيه مشاريب

الصوره الثانيه لفتاه تجلس فى ندوه تناقش اراء سياسيه وفكريه تظهر عقليتها المتفتحه ثم تخرج مع صديقها الى سريره لاستكمال باقى الندوه يا جماعه

الصوره الثالثه للمترو فىالقاهره الساعه الثالثه ظهر حيث الاحتكاك والازدحام و العبوس والانفاس الملتهبه والعربه كلها رجال مع اعداد ليست كبيره من النساء لم يجلس رجل امراه مكانه ولكن لديه جه مقنعه لموقفه الا وهى المساواه يا عزيزتى حواء,

سوف استمر فى نقل المزيد من الصور المرئيه المكتوبه فى المرات القادمه
كانت معكم مراسله فى شوارع وبيوت وحوارى ومولات المنطقه المنكوبه

5 comments:

Anonymous Saturday, November 10, 2007 12:10:00 AM  

الصورة الرابعة بقه عليا المرة دى

فتاة فى التاسعة عشرة من عمرها... يعتدى عليها رهط من النسوة الوطنيات... ويتدخل الأمن لفك الاشتباك... ثم يلقى بها داخل احد الاماكن المجهورة... وتضطر الى تصوير مشاهد الفئران والثعابين والصراصير(وخصوصا ابو شنب منها)
ههههههههههههههههه

تحياتى يا ابو حريد يا جامد

the others Monday, November 12, 2007 7:47:00 PM  

أزمة اخلاق
no more

Anonymous Tuesday, November 13, 2007 1:25:00 AM  

ياه فينك من زمان!!
احنا قلنا بسمه ماتت وانتقلت للناس الي فوق
بس الحمدلله طلعت عايشه
نبدأ بالصوره التالته::: عزيزتي حواء دي ضريبه المساواه فكما تحصل علي حقوق لابد ان تدفع الثمن المقابل ولذلك استغرب من هؤلاء الذين يصرخون ليلا نهرا حقوق المرأه و المساواه انما وقت الجد كل الشعارات دي تطير
والي مش عاجبه بقعد في البيت

الصوره التانيه: اعتقد ان دي حريه شخصيه وحق من حقوق الانسان الي نص عليها ميثاق حقوق الانسان الي موقعه عليه مصر بالمناسبه
علي الاقل هي بتمارس حقوقها الي نص عليها ميثاق حقوق الانسان!!
ولا انتم عاوزين الحريه الي تناسب مقاسكم

بالنسبه للصوره الاولي:اعتقد ان العيب مش من المسئولين العيب علي الي مش بيطالب بحقه ويستحق يجراله اكتر من كده والي يلاقي واحد اهبل وميستغفلوش يبقي حرام عليه
الحقوق لا تكتسب مجانا وبلا مقابل
كل حاجه وليها تمن

goodman Wednesday, November 21, 2007 4:22:00 PM  

لقد قرات بوستك عن الشك والايمان
وكنت اريد ان اعرف هل هى مجرد قصة ام حدثت لك فعلا ام مزيج من الالاثنين

AbdElRaHmaN Ayyash Thursday, November 22, 2007 9:49:00 PM  

اول مرة اشوف مدونتك
لكن اعدك ان استمر في زيارتها
صورك رائعة
للاسف هي دي حياتنا
و دول احنا شئنا او رضينا
شكرا انك حطيتي المرايا .. و الاعمى بس هو اللي مش هيشوف المشكلة

About This Blog

About This Blog

  © Blogger template Sunset by Ourblogtemplates.com 2008

Back to TOP