خير اللهم اجعله خير ....... تاج

>> Tuesday, July 10, 2007

قلت اخلى عندى شويه من الاحمر واعمل التاج ده لانى سيبت التاج الاولانىمن صاحبتى لولا
التاج المره ده قادم من عند العسل ايمان بنت سعد
هاعمل موسيقى تصويريه بتهوفن تاتاتا وندخل على السؤال الاول
أنت مين ؟
أنا زى الحله التيفال مفيش حاجه بتلزق فيا حتى لو الاكل اتحرق يعنى ببساطه مهما ناس وحشه قابلتهم فى حياتى مهما حاجات صعبه ممكن تغيرنى الى الاسوء مش بسمح ده يحصل, بحاول على قد ما اقدر احافظ على انسانيتى وعلى فرض النيه الكويسه فى غيرى
مين أكتر ست شخصيات بتحبهم؟
الشخص الاول الست اللى خلفتنى باموت فيها
الشخص التانى بسنت صاحبتى بقالنا مع بعض حو الى تمن سنين
الشخص التالت أمونه صديقتى اللى اتعرفت عليها تقريبا سنيت فى الجامعه شخصيه مش ممكن تزعل منها ولا تملك غير انك تموت فيها
الشخص الرابع لبنى صاحبتى بالرغم من انها من المحافظه اللى انا باكرهها اوى عشان فيها القناه السادسه الغريبه ولا مؤاخذه
لكن بجد انا باموت فى رومانسيتها وطيبتها ودموعها يا بخت اللى هايقع فيكى
الشخصيه الخامسه ودول هاخليهم اتنين مع بعض سومه بنت خالتى البت الراقيه بتاعت الموضه والماكياج والحب و الكلام الروش ده معاها باكون على راحه راحتى
ومعاه فيلسوفه العائله هد هد بنت خالتى طول عمرى لما احب اتفلسف واتكلم كلام كبير اقعد معاه
الشخصيه السادسه باموت فى حد اسمه اوبرا وينفرى اقدر اقول انها ملهمتى و الام الروحيه ليا
أنت سعيد؟
السؤال محرج اوى
لانى اسمى لازم يدل على السعاده (بسمه )باحاول اكون كده دايما حتى ل و مفيش داعى انى اكون سعيده باعيش على امل انى اكون سعيده
لى صديق دايما يقولى ابتسمى باحاول اعمل بنصيحته
لو اجتمعت انت و حسني مبارك في غرفة واحدة ح تقوله ايه؟
تجوزنى جيمى واكون سيده مصر الاولى و اقولك يا باباوولسوزى يا حماتى العزيزه جاءت اليكم اللى هاتكفر ذنوبكم
لو معاك مليون و نص ح تعمل ايه ؟
هارشح نفسى فى انتخابات الرئاسه الجايه عشان احقق حلمى بتاع اولى ثانوى انى اكون اول رئيسه جمهوريه فى مصر
بتحب مصر؟
لو لم أكن مصريه لو وددت ان اكون مصريه
بجد على فكره مش هزار
بداخلى حلم انها أجمل بلد فى الدنيا
بتحب البنات ؟
فى عشق البنات انا فوقت نابليون
لحد قريب كنت بانبسط اوى لما حد يقولى انتى بميه راجل
وده نابع من كون احساسى بان المراه فى مجتمعتنا عشان تبقى متميزه لازم توصل لنموذج الرجل
بس الواقع عرفنى ان فيه ذكور كتير لايعرفوا الرجوله
لذلك انا باحب كونى امراه واعشق انوثتى ولن اخجل منها بعد اليوم
ايه اكتر موقف محرج اتعرضت له ؟
كتيييييييير بس موقف كده حصل لى وانا راجعه من المدرسه فى ثانوى وما شيه فى الشارع مع اصحابى وكانت الدنيا بتمطر جامد و الشوارع كلها طين وفق
ايه اكتر امنية نفسك ربنا يحققها لك؟
أنى أعمل أكاديميه لتعليم وتثقيف البنات من الحضانه حتى الجامعه
وانى ادرس الاعلام فى امريكا
هاحدف التاج ده
لثوره
لولا
حلاوه
بقايا انسان
سكايار
عاشق الرو
ح

12 comments:

Halawa Tuesday, July 10, 2007 6:24:00 PM  

على حد قولك انك
فرحانة بأنوثتك ياست تفاحة

أحب أقولك ان تيفال
لسه معملتش حلل
كلها صواني تيفال
أدخلوا المطبخ بقى
هترجعولنا في الصباحية
وترجعوا تقولوا الرجالة السبب

بجد عجبني التشبية يافندم

ثانيا
هستناكي تدخل قصادي
انتخابات الرئاسة
انا وجيمي
بس مش عارف مين فينا هيبقى
الصباحي ومين شلتوت
وياخوفي أيمن نوووووووور

اجابات شربات يابسمة
فيها روح الشخصية
المفترية البلطجية
اللي بجد أنا بحترمها
لأني مبحبش البت الهابلة

بالتوفيق في أحلامك وأمانيكي

تحياتي

Anonymous Wednesday, July 11, 2007 3:27:00 AM  

تسلميلى يا روح قلبى وعقلى انا ليا الشرف انى اكون من السته على الاقل فى المستقبل القريب هابقى اقول انا بنت خالت الصحفيه الكبيرة وهاقولها بفشخرة اووووى بس متنسيش ترجعى صوباع الروج بتاعى ومتناميش عليه....انا برده وانا بكلمك بجد ببقى على راحة راحتى ...بقولك اية متنسيش الامة محتجالك

Alaa Wednesday, July 11, 2007 7:01:00 AM  

حلة تيفال ؟
يا ساتر
اجابات جميلة
ربنا يجميكي
:)

sakayar Wednesday, July 11, 2007 2:32:00 PM  

ماشي يا نصيرة المرأة والمجتمع ونص الدنيا وزهرة الخليج وحريتي
ههههه
أنا مع حلاوة فإن الشخصية القيادية في المرأة تجبرنا على احترامها ... بصراحة عدوك اللي تعرفه أحسن من عدوك اللي متعرفوش
وتاااج مقبول ان شاء الله هجاوب عليه

جميله بو حريد Wednesday, July 11, 2007 4:21:00 PM  

دكتور حلاوه

بما انى مفتريه وبطلجيه اللى هاينزل قدامى فى الانتخابات هاقطعه واعبيه فى اكياس واوزع جثته على الناس الغلابه على انها لحمه


سومه

و النبى بلاش صحفيه ده من كتر ما بتقوله حاسه ان اخرتى هابيع جرجر وفجل

باقولك ايه مش هاننصب على بعض صوباع الروج رجع

علاء

انا شايفه ان التيفال احسن من الالمونيوم كتير

سكايار

م ش عارفه و الله يا جماعه اقول طلعتوا عليا سمعه نصيره المرأه وواحده صاحبتى تقولى شعارك لاللرجل

وقفتوا حالى كده مش هاتجوز

3ashe2elro7 Wednesday, July 11, 2007 11:17:00 PM  

ماشى يا منطفه عايزه الولعه

كده اول ما تهادوا تهادوا تاج

بس هاقول ايه

منطقه مفتريه كلها

طبعن طبعن نصيره المرأه و عدوه الراجل
مفيش راجل من الست شخصيات اللى بتحبهم

طيب بابا خالو عمو انكل جدو اى حد جبران خاطر حتى

ربنا يقدرنى وارد التاج

Anonymous Monday, July 16, 2007 3:28:00 AM  

لعمرك ما ضاقت بلاد باهلها ... لكن احلام الرجال تضيق . بس خلاص
.. وكل سنه وانتى طيبه بالنصر الالهى التاريخى الاستراتيجى

Anonymous Monday, July 16, 2007 11:02:00 PM  

ميرسى كتير على انك مش ذكرتينى
لكن انا عارفة انك بتكرهينى وياما قلتيلى كدا ف وشى
وبتتشلى منى ومن هبلى
اهىء اهىء اهىء
بس والله ناس كتير بيحبوا الهبل دا
وانا عن نفسى شايفاه نعمة !!
وانتى على فكرة فيكى نسبة كبيرة منه كمان هههههههههه
متقدريش تنكرى

بهزر طبعا
بس مش ف كل الكلام ..
يعنى انا موش زلعانة منك لانى عارفة ان دى نتيجه طبيعية جدا للى بيحصلك منى
دا التطور الطبيعى لهبلى الزايد معاكى
وانتى معذورة
بس نص الكالم اللى تحت كله صح الصح وبريزيدون كمان !!!

بس عثل يابت ف كل اللى كاتباه وربنا يستر بس ومش نلاقيكى واخدة شنطة هدومك ونيجى نزورك بعيش وحلاوة بعد بكرة .... خفى شوية .. اينعم كلامك صح الصح بس صعـــب قوى

المهم .. انتى منكن مش تكونى لسا عرفتينى .. وانا الصراحة مش عاوزاكى تعرفينى .. هخليكى تحتااارى

يللا سلام ياحبى
يا اوزعة هههههههههه
اظن بقى عرفتينى
مفبش غير حد واحد ( الا وهو انا ) اللى يقدر يقولك كدا وبقلب جااامد كومان .. مش كدا وللا ايه ؟؟
يللا محبتش احيرك كتير وكشفت النقاب عن نفسيتى

سلامنجا بالتفاح بقى يا عثل

Anonymous Thursday, August 02, 2007 2:56:00 AM  

يا بختك انا كل بتحول للاسواء بكل اسف
الشر بيملانى
http://newegyption.blogsome.com/

Anonymous Thursday, August 02, 2007 10:22:00 PM  
This comment has been removed by a blog administrator.
Anonymous Tuesday, August 21, 2007 3:25:00 PM  

والل لا

Unknown Thursday, October 02, 2008 1:54:00 AM  

السلام عليكم

ازيك يا بسمه كل سنة وانتي طيبة

مدونتك شيك وهادية جدا

عرفتها بالصدفة لكن رب صدفة خير من مليون ميعاد

ربنا يخليلك الست اشخاص وبصراحه هما كوكتيل رائع

وكمان الحلم بتاع جيمي وماما سوزان ده بلاش منه انتي الخسرانه


تحياتي ليكي ولقلمك المبدع


د / برقش

About This Blog

About This Blog

  © Blogger template Sunset by Ourblogtemplates.com 2008

Back to TOP