مخاض

>> Wednesday, April 04, 2007


أجد الكتابه أحيانا أصعب من الجلد بالسياط عندما اعجز ان اصف بها بكل صراحه ما بداخلى وما أمر به فى حياتى من لحظات قاسيه لا أستطيع حتى ان أشارك فيها غيرى , فأجد نفسى ابعد عن كل من حولى واصنع لنفسى جزيره لا تسع غيرى ورد فعلهم هو الغضب منى لانى لا أشاركهم مابى ولكنى حاولت كثيرا مع نفسى ان اتحدث ان اقول عن حقيقه ما أشعر به دون خوف من أن ابدوا ضعيفه، ولكن لا حل مع شخصيه عنيده مثلى.
يعلم الله ما اشعر به وانا اكتب الان بداخلى احساس رهيبه بانى مخنوقه وتعبانه وفى اشد الحاجه لشخصين لو كنت فى حضنهم هاحس بامان الدنيا كله بابا وماما


هاتكلم شويه مع نفسى وهاقولها انا اسفه انى عذبتك معاى عشر شهور كامله فى حاجه انتى مالكيش ذنب فيها
هاقولها بجد انا اسفه انى خليتك تستحملى اشخاص مش يستحقوا انك تضحى عشانهم وانك تفكرى فيهم ليل نهار وانتى ومش بتيجى على بالهم
اسفه انك وثقتى فى اشخاص وخانو الثقه د هاقول لنفسى اللى فضلت مستحملانى العشر شهور ده ان مش ده اخر الدنيا وانتى محتاجه تاخدى اجازه تراجعى فيها كل حاجه مريتى بيها
ارجوكى ابتسمى

فى اخر الكلام بجد محتاجكم اوى يابابا وماما

16 comments:

مـحـمـد مـفـيـد Thursday, April 05, 2007 7:38:00 AM  

ما اروع وما ابدع كلماتك هذه
لقد حركتي قلبي من الروعه والابداع

محمد عـنـانـى Friday, April 06, 2007 5:07:00 PM  

حديث النفس واجب وحق علينا
ولكن لا تقسى عليها
فا النفس تحبك تحب صاحبها ولكنها غالب اذا لم تخضع لتمارين فتكون قاسيه
النفس انواع وياسعدو من كانت نفسو لوامه
اسمع كلماتك كانها صدى لنفس قويه محبه للمساعده بدون المقابل
فلا تقسى عليها لسو الاشخاص وليس لعدم معرفتها
وتحياتى

3ashe2elro7 Sunday, April 08, 2007 10:08:00 PM  

لم تكن العزله لمجرد العزله حلا ف يوم من الأيام و انما كانت معين على النفس لتغوص داخل اعماق الاكتئاب .. احيانا ارغب فى هذه الحاله و لكنى مسرعا ادرك انها وسواس و هلاوس لا يجب ان استهع لها
كثيرا ما كان الكلام و الفضفضه مع الاشخاص الذين نثق فيهم مريحه حتى و ان كانت ف اغلب الأوقات لا تأتى بحل و انما تفيد فى راحه النفس و ازاله الهم عنها قليلا .. شعور انسانى بحت ان هناك من يشاركك احزانك كثيرا ما يفيد فى راحه النفس

Anonymous Sunday, April 08, 2007 11:34:00 PM  

صعب الشعور بالظلم والخيانه
وصعب الثقه فى ناس وهما ما يستهلوش
وصعب الانتظار وصعب الوحده
...................................
لازم يكون عندك روح التسامح اى انسان بيتعرض لمواقف صعبه من ناس هو بيوهم نفسه انهم اقرب ناس ليه ... بس مفيش حل ادامك الا انك اما تسامحيهم ... او تسامحيهم
................................
الحياه ملئيه بالمشاكل ممكن تكون السبب فى انها تخلى ناس تجرح بعضها
...............................
خلى عندك جميع احتمالات خيانه البعض ليكى او تخليهم عنك
...............................
مفيش انسان بيجرح حد الا ما يكون هو نفسه مجروح

Anonymous Monday, April 09, 2007 10:50:00 AM  

انا عندى مشكله جامده جدا مع البلوج بتاعك
انى موش بعرف اعلق عندك
بجد مابلاقيش كلام
انتى انسانه رائعه يا بسمه وبليز ماتحمليش نفسك اكبر من طاقتها

كل سنه وانتى طيبه بمناسبه عيد الربيع

Anonymous Monday, April 09, 2007 8:34:00 PM  

مش اول مره اقرا لواحد بوست بيقول فيه انه خلاص مش عارف يكتب
اكتر من مدون بيعتبروا الكتابة من اصعب اشياء فى حياتهم
وانا بنضم ليهم وبعتبر الكتابة فى الزمن دا اصعب من السوط

Anonymous Tuesday, April 10, 2007 11:51:00 PM  

ازيك يا بسوم ايه ياجميل كل داطيب دا الشلة بتستمد الحماس والامل كله منك وعلى راى الشاعر ماالحياة الا تجارب... وبعدين يابت انتى افتكرى النعم الكتيرة ال ربنا مدهالك (زىمثلا)وانتى تعرفى ان ربنا كرمك اوى وبكرة هتتقعبلى فى اشخاص هينسوكى سنين الضياع دى وعلى راى تامر حسنى من حبنا حبناه وصار متعنا متاعه ومن نسانا.....ومتنسيش تسلميلى على بابا وماما واجرى يالا بوسيهم وابقى اتوصى سلام يااجمل وردة فى حياتى .امونة

مجـلة جــوا نـا Sunday, April 15, 2007 5:23:00 PM  

بجد زعلان
فينك
لو في حاجة
اتكلمي

وخشي قوللي رأيك للناس

Anonymous Monday, April 16, 2007 11:04:00 AM  

ربنا يفك مخاضك يا ختى
:D

Anonymous Wednesday, April 18, 2007 4:13:00 AM  

ربنا معاكى .. أتمنى تكونى دلوقتى أحسن يا جميلة ..
www.mads.jeeran.com

MaMaDo Thursday, April 19, 2007 6:10:00 PM  

بجد موضوع حلو والفكره احلى
بس العزله ....
حاجه صعبه
يعنى العزله اول ما تيجى فى دماغى يعنى اقعد مع نفسى اظبط الامرو و اشوف انا ماشى الزاى وارجع تانى لناس الى مقدرش ابعد عنهم ولا ايه
...

sakayar Thursday, May 03, 2007 12:12:00 PM  

العزلة لمجرد العزلة ... ما افتكرش العزلة غاية ..لكن ممكن تكون وسيلة لما فيها من مميزات ... الهدووووء والسكينة بعيدا عن أي شيء .... لا يحيط بك أحد إلا نفسك .... فتخرج منها وقد وضعت تصورات جديدة للنفس والحياة من حولك.... بس دايما الصراحة أقصر طريق للحق ... اللي طلعت ثقتك فيه مش في محلها واجهيه ممكن يكون فيه رد مقنع
اللي اديتيهم اهتماموماكانش فيه مقابل ...واجهيهم ممكن يكون ليهم حجة ...المواجهة والصراحة أفضل ما في العلاقات الانسانية

Anonymous Friday, May 11, 2007 5:45:00 PM  

لا تقس علي نفسك بهذا الشكل - فما اصبح الرقة وهي تشرح حالها
هوني علي حالك يا اختى - وتذكري ان رب السموات والارض هو مفرج الكروب -
وياريت لو ينفع اتكلم معك

Van Gogh Wednesday, May 16, 2007 1:39:00 AM  

رغم انها المرة الأولى لى هنا
إلا أنى لم استطع مقاومة كلامتك
ووجدتنى التهم كل ما كتبتيه

لا اجد ما اقوله
سوى انى انتظر منكى المزيد
وتذكرى انه ليس المهم فقط
ان نجد من يسمعنا
ولكن الأهم ان نتكلم
ختى يسمعنا الأخرون


اول مرة
ولن تكون الأخيرة

Anonymous Saturday, May 19, 2007 4:10:00 PM  

خالتي بديعه

هو المخاض ده مش ناوي يخلص ؟

عايزين عيل جديد
قصدي موضوع جديد

:}

أُكتب بالرصاص Thursday, June 14, 2007 11:16:00 AM  

اولا
احييكي
واعتذر عن التأخير

ثانيا
اشاطرك الرأي بانه اوقات يجد الانسان مالا يكتبه
وكانه في حالة مخاض حتى تخرج الفكرة

About This Blog

About This Blog

  © Blogger template Sunset by Ourblogtemplates.com 2008

Back to TOP