سطر التاريخ يا شعب
>> Tuesday, March 20, 2007
قو لوا نعم قولوا لا المهم ان تقولوا على رايكم
استعريت هذه الجمله من الاستاذ عماد أديب أمبراطور الاعلام و المدافع عن رئيسنا الهمام ، كان يستخدم هذه الجمله فى التنويه عن برنامجه الذى كان يقوم بتقديمه على قناه الصفوه (على الهواء) قبل ان يستقيل ويتفرغ لاداره اعماله.
لم أجد أفضل من هذه الجمله كرد فعل طبيعى عند مشاهدتى لمهزله سوف يكتب عنها التاريخ يوما ، الأ وهى تمرير التعديلات الدستوريه وسلقها فى مجلسنا الموقر.
ماذا يحدث يابلد فيكى ؟!هو السؤ ال المنطقى الطبيعى الذى طرحه عقلى وانا شايفه الحزن الوطنى بيقول للشعب و المعارضين و المستقلين اخبطوا راسكم فى الحيط ولو عندكم خيل يا بتوع الحمير اركبوه
نعمل ايه ؟ نسكت نحبط نكتئب نقول مش بلدنا واصلها بلد بنت ستين كلب
الحل يا بشر أن احنا مانكستش ونروح ونقول فى عين اللى جابوهم لا لا لالا
أيوه حقنا انا احنا زى ما قلنا نقول نعم اولا،
وطبعا مفيش حد عاقل هايصوت بنعم لتقويض حريته واعطاء الامن و الداخليه الحق فى التجسس عليه و القبض عليه كما يشئون و اللى يقولى ان قانون الارهاب معمول للارهابيبن هانقولهم وقانون الطوارئ كان معمول لمين ؟مش كان ويجيبوا الناس من بيوتها بقانون الطوارئ ويرموهم فى المعتقلات ويقدومهم لمحاكم عسكريه
أذن هنصوت بايه غير بلا ، لا لسحل المصريين المسحولين اصلا من ايام الفراعنه
لا لتوريث جمال عين ماما سوزان
لا لبيعنا بالرخيص واهدار كرامتنا جوه وبره
يا بشر الحل فى ان احنا نروح نصوت و ومن حقنا ان احنا نصوت بالبطاقه الشخصيه ومش فى لجنه معينه
يعنى اى حد طلع بطاقه من حقه يروح يصوت
انشروا يا جماعه الموضوع بين اصحابكم واهلكم وزملائكم فى الشغل
مش هايقدروا يزوروا اراده الشعب لو كنا كتير ياريت نبطل سلبيه وكلام وبس اتحركوا بقى يا مصرييين