وتلاقينا فى وسط الطريق

>> Monday, September 11, 2006

حياه الانسان طريق طويل ,فيه ناس كتير من زحمه الحياه مش هما اللى بيختاروا طريقهم ولكن بينفرض عليهم وان كنت لا اعفى اى انسان من تحمله جزء كبير فى مسئوليه الطريق اللى بيسلكه فى حياته ,لان احيانا بشكل او باخر ممكن اساهم بخضوعى للظروف او الاشخاص انى أجعلهم يتحكموا فى أسلوب حياتى وكيفيه توجيهها بتسليمهم دفه المركب
لكن أجى للنوع التانى من البشر اللى بيستخدموا عقلهم فى اختيار طريقهم ولا يفرض عليهم هذا النوه من البشر يواجه فى احيانا كتير مشاكل صعبه لتحمله مسئوليه الاختيار ,بيواجهوا نظرات فى عيون الناس لان غالبا اختيارهم لا يحظى برأى الاغلبيه قد ايه ممكن تشعر انك وحيد من غير رفيق فى الطريق فى لحظه ممكن كنت تتمنى انك تكون وسط الناس ده بينهم راضيين عنك بس برضه بتواجهه معاه اختيار صعب انك هاتكون زى الكل مفيش تميز زى ماجيت الدنيا هاتمشى من غير شئ ممكن ينذكر بالخير بعدك من غير حتى ما تحس انك راضى عن نفسك فى حياتك لكن وفى اللحظه ده دايما افتكر مقوله لفيلسوف تقول ان الدنيا ده غابه فيها طريقين : طريق كل الناس بتجرى عليه باندفاع وطريق فاضى اخترت أمشى فيه، الطريق اللى الكل بيجرى عليه ما حدش هايوصل لحاجه فى النهايه بسبب الزحمه لكن طريقى هامشى فيه لوحدى او مع ناس قليله لكن هاوصل فى النهايه،اذن لازم ندفع ضريبه لاختيارنا طريقنا ممكن حتى فى اواقات نشعر غربه مع نفسنا زى ما حصل لى طيله شهريين لكن فى النهايه عقلى وقلبى اتلاقوا فى طريقهم اللى اخيرا هما الأثتنين اشتركوا فى أختياره ،كان احيانا بيساورنى الشك فى أسلوبى وتفكيرى بسبب قبلى لكن دلوقتى وصلت للمرحله اللى فيها تصالح مع العقل والقلب ماعدش فيه تنازع على مثل ماكان يحدث فى الفتره السابقه ، وكمان وصلت للمرحله اللى الاقى فيها رفقاء الطريق لم أعد وحيده فى طريقى علمت أنى وغيرى سنصل فى يوما ما مهما طال مهما تعبنا مهما بكينا سنصل ، دائما هناك نور ينبعث من داخلى ينير لى الطريق مهما اشتد على قلبى الالم دائما ارى نور فى اخر النفق وفى كل مره تصدق بصيرتى وبصرى ويأتى النور ليملأ أركان قلبى وعقلى روحى وسمو بها فوق كل حزن و ألم وضيق.
كل تجربه نمر بها فى حياتنا مهما كان قسوتها ومرارتها فانها تحمل لنا دروس وخبرات لاحدود لها تفيدنا وتدعمنا فى طريقنا الطويل ، وأجمل درس تعملته من الحياه ومن رفقاء الطريق :أحزن ابكى ولكن اعطى للفرح والسعاده مساحه أكبر منهما فى حياتك.

5 comments:

الســـاحر Friday, September 15, 2006 7:33:00 AM  
This comment has been removed by a blog administrator.
الســـاحر Friday, September 15, 2006 7:33:00 AM  

اولا انا بهنى نفسى انى اكون اول كومنت...وانا معاكى فى الراى ان الواحد لازم يدى السعاده الجزء الاكبر من حياته

وعلى فكره انتى اسلوبك جميل وعجبنى لانه اسلوب احلى حاجه فيه الطريقه المباشره يعنى انتى بتعبرى عن رايك من غير تصويرات ولا تشبيهات ...اسلوب واضح ومباشر وده اكيد بيعكس شخصيتك..وربنا يوفقك

جميله بو حريد Friday, September 15, 2006 10:23:00 PM  

شكرا على تعقليك الساحر وكلماتك الرقيقه جدا وجزالك الله كل خير

الســـاحر Saturday, September 16, 2006 6:54:00 AM  

لا شكر على واجب ويلا بقى عايزين موضوع جديد جامد..وعلى فكره انا كتبت قصيده جديده يارب تعجبك

ADMIN Monday, September 18, 2006 7:33:00 PM  

حلوة قوى يا بوسى مش قولتلك نفسى اهنئ الى بالى بالك عليكى ربنا يخليكى له

About This Blog

About This Blog

  © Blogger template Sunset by Ourblogtemplates.com 2008

Back to TOP